وجهان لعملة خاسرة في بورصة الديمقراطية

يعني إذا كان في الفين معارض عميل و فيهن كل الصفات السيئة ومابهمهم سوريا و .. و ... و .... لازم كل باقي الشعب يضل مكبوس على نفسه بحجة هل الألفين عميل؟

لا جديد لدى هودجكم اليوم....كم أنت وحدك!!! تحياتي

فعلا هذا هو الواقع، والمشكلة بتناحة الطرفين معا وشدهما عكس بعضهما والمواطن المسكين في المنتصف يتوجع ولا أحد يحس به. أنا شخصيا لم أعد أثق بالطرفين معا، لكن لا يوجد بديل للنظام الحالي وأخشى إن ذهب أن يصبح كل فرد من 23 مليون يشد اللحاف صوبه حتى تتمزق سورية كلها عشرات الأجزاء. اللهم استر.

ليس هكذا يانبيل تصح المقارنة؟! اين السلطات القديمة؟ ليش جديد ليكون هناك قديم! لم اكن انتظر منك هذه ابداً السلطات القديمة قديمة بحق عفى عليها الزمن حيث لاتعترف بوسائل الاتصالات الحديثة. المعارضة الجديدة ليست معارضة بحق هي تيار جارف اجتاح سورية فوق كل شبر منها وفقط اتح الفرصة سلميا بغير شبيحة ولا رصاص ولا قناصة ولا ب ت ار ولا مصفحات ثم قل لي هل هي فقط معارضة ام تيار... الغريب والاغرب ان السلطة بدأت تنوح كالثكلى وكأن الامر لها ابدا ابدا... يااخي يحلوا عنا وحاجي 40 خمسين سنة افهموها بقا حاجي التيار الجديد لم يقبض الا رصاص وججه اصحاب وتوابع السلطة ( بفتح السين واللام) من حوامض وعصير و ووو يااخي والله حرام حصار وتجويع وتركيع وسرقة و و والتيار الجديد تخرج منمدارس الطلائع والشبيبة والبعث وكل مدارس فكر التفريخ ولكنه لم ينتج ولا حتى بيضة فاسدة فكله نتاج رضاعة عزة وكرامة يااخي شيطان لاتعرفه خير من شيطان عرفته وشلطة لاتعرفها خير من سلطة حرمتنا كرامتنا وحريتنا وانسانيتنا يااخي الا تكفي تلك الدماء فلو ان افراد السلطة اولاء تركوا السلطة واخذوا ورحلوا عنا هل كانت كل هذه الدماء تسيل...

أنا مع السيد شاهين الذي قال بشكل واضح أن صندوق الاقتراع هو الفيصل لكن سؤال يطرح نفسه هل سيرضى أصحاب القديمة بهذه النتائج مهما كانت لأن التاريخ في الجزائر يقول لا لم ترضخ السلطة لنتائج الانتخابات والسلطة الفلسطينية يقول لا وفي العراق والبحرين نفس المقولة . نعم من أجل إنقاذ الوطن لنرضخ هذه المرة لسلطة الديمقراطية ولنعارض رغباتنا الشخصية ونجري انتخابات حرة

في واح من عنا ركب طبارة وراح على الخليج (بس لازم هالواح يكون معلم)وهنيك بالخليج شاف واح تاني الواح الاولاني : خيو بتتذكر الحديث اللي حكيتلنا ياه لما اجيت لعنا مرتين الواح التاني : اي طال عمرك فاكر ها بشر الواح الاولاني : والله نحنا فكرنا بالموضوع واوكي الواح التاني : ابشر ياطويل العمر شو رح يصير هي الجمعة كلينتون رح تطلع وتقول : نحن نطالب سوريا بالاصلاح وننظر بقلق للاحداث في سوريا نظرا لوجود تقارير تؤكد وجود مسلحين الجزيرة : بتطلع كم مظاهرة مع فيديوهات للحرق والتكسير وبتطلع عليك مذيعة بوشها البشوش وبتحرقو حرق للمعارض اللي عم تعمل معو مقابلة بالاسئلة (وما تفكرها شغلة صعبة) وبيباي شهود العيان الجمعة اللي بعدها كلينتون : ننظر بقلق للاحداث الجارية في سوريا بعد اعمال العنف التي مارسها متظاهرون وبوصول تقارير عن جماعات مسلحة واميركا تدرس رفع العقوبات عن سوريا لتسهيل عملية الاصلاح القمة العربية في اجتماع استثنائي : نحن نقف مع سوريا في مكافحة الارهاب الجزيرة : انسا انها تعرض مظاهرات رح تمسكلها كم فيديو لعالم عم يحرقو ورح تبدا تحطلنا جنازات للجيش والامن وبيطلع عليك مفكر عربي بيقول : انو الوضع تغير في سوريا نتيجة وجود جماعات مسلحة تستخدم القوة لقلب النظام اخر جمعة كلينتون : ان الجماعات المسلحة تهدد الامن الداخلي ومن حق سوريا كبلد ديموقراطي ان تحمي امنها بكل الوسائل (هادا اذا ما اكلو المتظاهرين بهدلة بحجة انون عم يطلعو بدون اذن) ورفع العقوبات عن سوريا رجب طيب اردوغان : نحن سنقوم بكل الوسائل لتحقيق السلام في المنطقة وندعو الى مؤتمر للسلام بين سوريا واسرائيل الجزيرة بتطلع برنامج وثائقي عن البطاطا في سوريا وفوائده على الاقتصاد السوري واللي مفكر انو هالسيناريو ما بيصير بقلو غلطان كتير ياحليوة وصلت ولا لسه وما بدي ينفهم من حكيي اني ضد العالم اللي عم تتظاهر بس اللي عم قولو يعطو فرصة لانو الشارع مارح يهرب ولاني حاسس انو في جدية من السلطة بالاصلاح طول ما هالسيناريو لسه ما صار

شكرا سيد نبيل بس ظلمت المعارضة كتير بتمنى تكون حيادي او تكون مع حقوق الشعب المظلوم

في كل "شغب" جديد أنت تقترب من الحقيقة أكثر فأكثر, شكراً لك (ملاحظة: أول موقع في المفضلة لدي هو الجمل)

عندما يتحدثون عن المعارضة يتبادر إلى ذهني الحاقدين المنفيين خارج الوطن والذين يبثون سمومهم للانتقام عن طريق التحريض عندما تستمع اليهم تظن أنك أمام عدو يريد تدمير البلاد في دعوته إلى التدخل الغربي في الشؤون الداخلية ...نحن نحترم المعارضة الداخليةالشريفة التي لها مطالب محقة أما الأصوات الخارجية التي نشرت الفوضى والخراب والتي جعلت العالم كله يتدخل في شؤوننا الداخلية فهي مرفوضة من كل الشعب السوري...

أرجو الإجابة ما هو الاختلاف بين مقارنتك والمقارنة التي تطلقها اسرائيل دائما بتصوير نفسها ضحية للعمليات التي يقوم بها الفلسطينيون صار لنا سنوات نقول للغرب لا تقارنوا الضحية بالجلاد ثم نأتي أنت اليوم وتقع في نفس الغلطة وتقارن متظاهر أعزل بمتسلط مدجج بالاسلحة وأدوات القمع متى كان الضحية والجلاد سواسية متى كان العسكر والشعب على درجة واحدة في ميزان العدل من هو المتظاهر الذي يطمح للسلطة وكرسي الحكم متى نعترف بالحقيقة المرة أننا شعب نعيش في دولة أشبه بقطعة عسكرية

يا جماعة كونو الاعلام هو الي عم يحرك كل شي والمحطات الاعلامية ما بتعرف شي من الحياد وانما هي أبواق لكلا الطرفين ليش ما منقاطع المحطات التلفزيونية جميعها ونتحرك من الواقع وليس من الاعلام .... صار راسي يوجعني من كثر الكذب ....::::,,,, على فكرة سيد نبيل لست وحدك كما قال القلق

هكذا أنت دائما يا سيد نبيل... من أجل أن تقدم نفسك حياديا تضرب الجميع، وتساوي الضحية بالجلاد... أريد أن أسئلك: هل كليهما لديه فروع أمن تعتقل الناس؟ هل كليهما لديه سجون يهان فيها المعتقلون بأفظع مما تفعل إسرائيل مع الفلسطينيين؟ هل كليهما لديه قوائم منع سفر ويتحكم بالمطارات، ويمنعك من السفر على مزاجه، وخارج أي حكم قانوني يبرر ذلك؟ هل كليهما لديه دبابات تحاصر المدن؟ هناك إسلاميون في المعارضة... لكن المعارضة العلمانية لا تتمسح بأرداف رجال الدين... لكن النظام الذي يدعي العلمانية يتسمح بأرداف رجال الدين؟ قليلا من الضمير يا سيد نبيل... أنت لا تنقصك الوطنية بالتأكيد، ولا أحد له الحق بمنحك شهادة فيها، لكن قليلا من الضمير. أنت تعرف أن مقارنتك باطلة وظالمة ولا تستقيم إلا عندما يأخذ الوطن حريته... وليس في وطن لا يخجل نظامه من رفع شعار (إلى الأبد) ويعدل دستوره بربع ساعة، وتفرض القوانين بلا مجلس شعب يصوت ولا صحافة تعترض ولا قضاء يحاكم!

قلمك يعبر عن شريحة كبيرة من السوريين

أثبت الجميع كلتبا ومعلقين مقولة الفيلسوف الصيني كونفوشيوس طلقد فسدت البشرية عندما بدأ الجنون يفكر ......في عبارة سخيفة بتقول الأختلاف لا يفسد للود قضية ز يعني متل نا صار بين أوباما ونتينياهو يا ..........سوريين

ما زلت أذكر قصةفي أحد كتب الصفوف الإبتدائية قديما ( يعني أيام دادا وفولاذ ) عن امرأتين ادعتا أمومة طفل ولم يكن لديهما الدليل فأمر القاضي الحكيم بشطر الطفل نصفين تأخذ كل واحدة نصيبها.. الأم الحقيقية هي التي رفضت هذا الحل وفضلت بقاء ابنها حيا ولو في كنف أم مزيفة؟؟؟؟ من برأيكم الأم الحقيقية لهذا الوطن؟؟ أرجو أن يكون أحد الطرفين أما حقيقية .. مع عدم تفاؤلي

اولا المقارنة فيها خطا بالنسبة للطائفية لانو لهلا ما عم افهم ليش السلطة متهمة بالطائفية او عم تلعب على هالوتر ..هالشي مو صحيح لانو السلطة مو بوارد الدفاع عن الاقليات ابدا وكلنا منعرف انو هالاقليات عايشة متل غيرا بالبلد لانو المنتفعين من السلطة هنن من كل الاطياف وهنن المتملقين بغض النظر عن طائفتهن ومع هالشي اغلب الاقليات مع السلطة او بتاخد الحياد لانو هالسلطة موفرة شي اهم من الحرية السياسية والاصلاح وهو حماية التعايش السلمي للجميع..واذا قصدك انو السلطة بتحارب اشخاص من طوائف معينة بعتقد انو هالحكي مو دقيق ..السلطة بتحارب بشدة فئة معروفة متشددة من الاخوان المسلمين الها تاريخ دموي رهيب ..بالنسبة للحوار الوطني بتمنى تبلش العجلة البطيئة بالسرعة وتسحب السلطة البساط من تحت هدول المتامركين اللي برا جماعة المجلس الوطني الانتقالي و تبلش بحوار جدي مع اشخاص واطياف معروفين وموجودين بالبلد ..

أستاذ نبيل... صرلي زمان ما سمعت كلام بهالجمال نحنا لازم نهاجم التنين (معارضة الميديا و النظام) لأنو تيناتن ضدنا ما حدا بتهمو مصلحتي غير أنا.. و أنا ضد الكل... و مع الكل

كلما قرأت لك هذه الأيام أشعر كسلفي قديم , بس سؤال غير إنو بدو حرية شو بيعمل السلفي و التكفيري

وما بين النظام و المعارضة شعب حر ما بيهتم للطرفين .. و أنا أتحدّى أن الطرفين رح يطلعو خارج المعادلة السياسية السورية لو احتكمنا لصناديق اقتراع نزيهة .. تكون خارج هرطقات دستور البعث و تقييدات أمن النظام .. التركيبة السياسية الجديدة في سوريا رح تلفظ كل مظهر سياسي حالي حتى "المعتدلين" رح يكونو بموضع مسائلة على "اعتدالهم" أمام مبرهنات البيضا و درعا على الأقل .. المعارضين و المعتدلين و المترددين والموالين و المصابين بكل حالات الإنكار بيعرفو منيح .. انو لو في فرصة ليطلع السوريين على الشارع بدون اعتقال و قتل شو رح يقول .. و ليش ..

ظريفة عن جد ظريفة بس و لمعلومات من ليس لديه العلم بعد أننا اليوم ضمن حرب تقارير أمنية يقدمها ذيول الطرفين ضد بعضهما البعض لفروع الأمن و الحزب يعني ذيول المعارضة المستجيرة بالخارج تقدم تقارير لفروع الأمن ضد ذيول النظام المتعصبة في تأييدها له تتهمها فيها بالطائفية و التخريب بشكل مشابه تماماً لما يفعلهم ذيول النظام... (صورة سريالية!) بس للأسف موجودة و الضربات موجعة للطرفين و إذا ضلو على هالسحبة...

حتى "المعتدلين" رح يكونو بموضع مسائلة على "اعتدالهم" أمام مبرهنات البيضا و درعا على الأقل .. حتى "المعتدلين" رح يكونو بموضوع مسائلة (وقسم منهم امام المحكمة) امام مبرهنات الشبكات التي تم التقاط "معتدليها" التي حرقت وقتلت ضباط وعسكريين ومدنيين في حمص وبانياس ولم يسعدها ذلك فقامت بالتمثيل بجثثهم حتى لو كانو مدنيين ام ان نضال جنود ايضا الامن قتله يا "مندس" كما سيكون كل "معتدل" في درعا امن السلاح لل"لسلميين" موضع مسائلة ونتمى ان تكون احكامهم على قدر افعالهم (احد شباب درعا قبل دخول الجيش.. لا تاكلو همنا سلاح في مصاري في الله معنا) وقال شو سلمية سلمية مأحلاه وهو طاله عم يقول غير هيك حربية حربية

وانتم امازلتم مع الخوارج تستبيحون دم كلا الطرفين؟

لاحظ أنو شو ما حكا الواحد مستحيل يرضي كافة الأطراف، حتى الحيادية ما عجبتون. أنا معك و رأيك بيعبر عن شريحة كتير كبيرة، خلونا بس ننسى كل شي قديم و نهتم بالمستقبل يلي منبنيه باحترام كل الآراء.. الله يحمي هالبلد

ياحرام هالمعارضة شو مضلومة يازلمي لافي سلاح ولافي مسلحين ولافي طائفية ولافي جهاد ولاتمثيل بالجثث يازلمي النظام عم يفبرك كل شي عم يحرق ويكسر مقرات الحزب والشرطة والمؤسسات الحكومية ولأنكة من هيك متفق مع مناع والعرعور وصفاووصال وهيلاري كلينتون والأتحاد الأوروبي وكل هالشي حتى يسود وش هالمعارضة الشريفة النظيفة الوطنية السلمية يلي مابتتعامل مع أمريكة أو بريطانية أوفرنسة ويلي متل ماقال عيروط )والله لم تطلق طلقة واحدا( -وطبعا صحيح لأن الوضعية كانت رشا -بدعي للمعتدلين أنو لاينقنصلن أخ أو أب أو أبن ودمتم ودامت المظاهرات سلفية (عفوا) سلمية في بلادنا

ياحرام هالمعارضة شو مضلومة يازلمي لافي سلاح ولافي مسلحين ولافي طائفية ولافي جهاد ولاتمثيل بالجثث يازلمي النظام عم يفبرك كل شي عم يحرق ويكسر مقرات الحزب والشرطة والمؤسسات الحكومية ولأنكة من هيك متفق مع مناع والعرعور وصفاووصال وهيلاري كلينتون والأتحاد الأوروبي وكل هالشي حتى يسود وش هالمعارضة الشريفة النظيفة الوطنية السلمية يلي مابتتعامل مع أمريكة أو بريطانية أوفرنسة ويلي متل ماقال عيروط )والله لم تطلق طلقة واحدا( -وطبعا صحيح لأن الوضعية كانت رشا -بدعي للمعتدلين أنو لاينقنصلن أخ أو أب أو أبن ودمتم ودامت المظاهرات سلفية (عفوا) سلمية في بلادنا

استاذ نبيل شو رأيك بجملة .... كما تكونوا يولى عليكم ؟؟؟