رزق المجرمين على المجانين

18-05-2011

رزق المجرمين على المجانين

الأول: خبرني، مع مين عم تشتغل بها اليومين؟
الثاني: مع بغال المعارضة، وأنت مع مين؟
الأول: مع حمير السلطة..
الثاني: بس شايف جماعتك عم يرفسوا بالهوا..
الأول: وجماعتك عم يرفسوا كل مين ما بيوقف جنبهم!
الثاني: سيدي.. الله يوفق الجميع.. شو عم تورِّد للبلد بها الأيام؟
الأول: أجهزة صعق كهربائي وهراوات مطاطية ولوازم تهدئة أمنية.. وأنت شو عم تورِّد؟
الثاني: بواريد وصواريخ مضادة للدروع على شوية ملبَّس لزوم الثوار..
الأول: (يأخذ نفساً من أركيلته) الحمد لله، الشغل ماشي والبلد ماشي.. وأولادك طمني عن شغلهم؟
الثاني: أسسوا شركة لشهود العيان بكل المناطق وعاملين عقود مع المحطات وجماعات حقوق البني آدمين .. والمحروسين ولادك، شو أخبارهم؟
الأول: فتحوا فروع بكل المحافظات: توابيت ومقرئين ولزوم تعازي واللذي منو..
الثاني: (يرشف قهوته بأسى) يا أخي نحنا عم نشغل عمالة بالبلد ونقلص الكثافة السكانية، بس ما في مين يقدر..
الأول: أخي أبو دياب، عمول خير وكب بالبحر، ما في شي بيضيع عند رب العالمين..
الثاني: بس يخف الشغل شوي بدي أعمل عمرة انشاء الله..
الأول: رجلي على رجلك، بس قلّي، شغلك بالمملكة رح يكون مع السلطة ولا مع المعارضة.. يعني منشان ما فوت على خطك..
الثاني: ( يسحب نفسا) ليومها منشوف..المهم ادعي لألله يديم الثورات على هالأمة .. وربي يسر
الأول: بس أنا هلأ متخوف من جماعة (الحوار الوطني) ليضربولنا الشغل..
الثاني: علاكين، لاتخاف منهم ، أصلا هاي الأمة بعدها مختلفة من يوم وفاة رسولها الأكرم -صلى الله عليه وسلم- لليوم.... نارة ياولد ..

هامش: إذا دُفعت للإختيار بين خسارتي لبعض أصدقائي وبين خسراني لوطني فسأتخلى عن وهم الصداقة من أجل حقيقة الوطن .

نبيل صالح

التعليقات

ايه والله صرنا متل اللي قاعد بمزرعة ... بغال وحمير وتدفيش وترفيس ... وآخرتها شعب بلا وطن وبلا *** بس شو بدك شعب واعي ... هه واعي كتير ... ووطن هه قال وطن شو لزوموا الوطن ... ماعنا شعب واعي ... هه هه ومنرجع بعدين منبني وطن ... شو قلة ناس واعين ... اللي جابهم ما بيجيب غيرهم ولو كلك نظر يا سوري مو شايف كل هالفساد ولا شو ... بس قلك اذا انت واعي كتير لدرجة انك مو قادر تشوف ... معلش عنا كميرات بتفرجيك ع الفساد وبتخليك توعا أكتر من ما انت واعي ... ومتل ما بيقولو شعب ما بيوعا إلا اذا حدا دعس ع دنبوا... من حرقة قلبي والله

المرسل عابر سبيل (لم يتم التحقق) بتاريخ 18-05-2011 - 18:09

بين الأول والثاني ضاع تنين ثلاثة بين الثالث والرابع احتار أربعة خمسة بين السابع والعاشر استنفر عشرة .. 11 .. 12 بين 1 .. و 22 مليون .. رح تحيا سورية من جديد مع التأكيد على ضرورة الحوار الوطني مشان تكون الحياة طبيعية .. وحلوة .

المرسل سهير (لم يتم التحقق) بتاريخ 18-05-2011 - 18:59

هل يمكن أن يختزل الوطن في شخص مهما كان هذا الشخص ومهما علت قامته هل اختلافي بالرأي مع شخص يعني وقوفي ضد مصلحة الوطن هل إعطاء شخص ما لهذا الشعب بعض الأوكسجين هو بالشيء المستحيل عوضا عن نزيف الدماء المستمر هل الدولة تحمي الشعب والوطن من المجرمين أم تحمي المجرمين بحق الوطن من الشعب

المرسل شاهين بتاريخ 18-05-2011 - 21:55

عزيزي نبيل: هل تصنف شغبك هذا على مسافة واحدة من الجميع؟ لسان حالك يقول أنك تحتاج أجنحةً....لكن يبدو أن السلاحف لا تحب سوى الدروع!! تحياتي لك ولأصدقائك إذ صدقوك!

المرسل موطن++ (لم يتم التحقق) بتاريخ 18-05-2011 - 22:01

عمري الك كتبتوا بالنار وبالأغاني ياسنديانة حمرا يااحلى سنديانة بزمانو العربان باعو فلسطين بلبنان وتحول الفدائيين الفلسطينيين من ابو كارلوس وابو ارنستو لأبو القعقعاع وابو قتادة وابو مصعب المهم انا ماني ضد الأسلام بس الفكرة انو الحرب الأهلية بلبنان هدت منظمة التحرير الفلسطينية واليوم الغربان رح يرفعوا انقاضا شي و البنك الدولي بدو حصتوا و فادي وسمير وربيع ومحمد وجعفر ..........كلون بدون ولوين رايحين .... كان عندي صاحب فلسطيني من الخليل سكن معي بالجامعة ورجع الخليل كنت دائما قلو بدك ايدي الدال للضرورة الأخلاقية

المرسل سوري سوري سوري (لم يتم التحقق) بتاريخ 18-05-2011 - 22:40

1- إلى شاهين : - الوطن لا يختزل بشخص و لكن يمكن للشخص أن يكون رمزا للوطن و الأمثلة أكثر من أن تحصى تاريخيا و حاضرا .. أتاتورك .. كاسترو .. تشرشل .. ديغول .. لنكولن .. عبد الناصر .. غاندي .. نهرو .. إلخ . - إذا كان رايك يصب في مصلحة أعداء الوطن فانت خادمهم .. و الأفضل هنا أن تصمت و فقط .. مثال : الباحث التاريخي فراس السواح .. المفكر صادق جلال العظم .. المفكر الطيب تيزيني .. إلخ .. عملا بقول علي بن أبي طالب : كن في الفتنة كاللبون لا ظهر فيركب و لا ضرع فيحلب .. -الأوكسجين كان موجود دائما و نختلف على طريقة استنشاقه.. روجيه غارودي تنشق ملئ رئتيه في بلد الديمقراطية و لكنه عندما عبر الخط الأحمر حوكم .. فلماذا تحترم هناك الخطوط الحمر و عندنا لا قيمة لها و تصبح رمز الديكتاتورية ؟؟ - إن إنهزام البعض و إنكفائه و ترك مواقعه للصوص هو من شجع اللصوص على التمادي .. 2 - إلى موطن ++ : سأتدخل و أقول رأيِ هنا .. -لا داعي لأن أحلم بجناحين ما دام لدي القدرة للوصول إلى هدفي سيرا على أرض االواقع .. - عندما تريد أن ترى السلاحف مجرد درع ستكون كذلك و عندما تريد أن تراها مثالا للجد و المثابرة و الصبر ستكون كذلك .. الأمور نسبية تماما ..

شكرا أستاذ نبيل على كل مشاغباتك خلال هذه الفترة وخلاصة القول أن الوطن أولا ومصلحته فوق الكل حتى لو ما عجبت جماعة الحرائر الذين اخذين روزة وعاملين حالن العارفين بكل الخفايا وبيحكوا بنبرة عليا شعارها لا تصدقوا غيرنا والا أنتم أبواق وكأنه لا يوجد أحد في البلد الا المؤيدين لهم والمصدقين لادعاءاتهم بس لهلق ما حدا جاوبني ليش المشاكل عم تكون بمناطق غير معروفة لقسم كبير من السوريين وليس لها أهمية اقتصادية أوديموغرافية أوثقل اعلامي وسياسي ومع ذلك تداعى العالم لنصرتهم طيب والملايين القاطنين في المدن الكبرى يلي ما بدهن السكان تتغير حياتهم شو مشانهم وليش لازم تنقلب عيشتهم مشان يرضوا سكان مناطق داعل وحلفايا وجسرالشغور وازرع ودوما والمعضميةوجاسم ونوى وتلكلخ يلي يحمل أهلها كأس العالم في التهريب .

المرسل بنت سورية (لم يتم التحقق) بتاريخ 18-05-2011 - 23:51

الأستاذ نبيل المحترم، أصبت كبد الحقيقة في السطر الأخير، الكل يذهب ويبقى الوطن. هل تصدق أنه إذا ضاع الوطن فسيكون هناك أي شيء ؟ لا والله. الوطن أولاً الوطن قبلاً الوطن أخيراً ملاحظة للأخ المواطن++ إذا كان الجناح سيحملنا إلى حضن اليهود وسيحيلنا شراذم تتقاتل فيما بينها تحت مسميات وشعارات بغيضة فعساه يكسر ويهيض قبل أن ينبت حتى.

المرسل قارئ (لم يتم التحقق) بتاريخ 18-05-2011 - 23:59

لا تجعلي من نفسك ناطقة بلسان الأغلبية !!! فهناك أغلبية رابعة أهم من كل ( الأغلبيات ) العاملة على الأرض الأن .. و هي الأغلبية التي قالت كلمتها بممارستها لحياتها اليومية بهدوء و هي بهذا قالت كلمتها و مع من تقف ..

- إبك كالنساء,على ملكٍ لم تصنه كالرجال. جملة قالتها والدة ابو عبدالله الصغير,في آخر مكانٍ يطل على غرناطة,آخر دويلات بني الأحمر. - في مستقبل ملوك دويلات الطّوائف,سوف يتمنّى البعض لوأن درع سلحفاة على قفاه.

المرسل أبو جهل (لم يتم التحقق) بتاريخ 19-05-2011 - 00:24

كنت منذ ثلاثة أشهر فقط أدافع عن الأول بلساني وأسناني وحتى عندما نهض الثاني وحاول أن يتنفس توقعت أن يعامله الأول كما يعامل الأخ الكبير أخاه الصغير أو الأب ابنه الذي تحرك فيه عنفوان الشباب فأخذه الأب بالحكمة والموعظة الحسنة لا بالركل والرفس والضرب والتنكيل وقطع الماء والهواء والدواء وإذلاله ظنا منه أن جاره الجنوبي هو الذي حرضه ليعق أباه ثم أمعن في إذلاله نكاية بكل جيرانه الشماليين والجنوبيين وأعداءه الغربيين

المرسل ابن البـلد البار (لم يتم التحقق) بتاريخ 19-05-2011 - 00:45

ضل الاخ الكبير يعامل الاخ الصغير باحترام اكثر من شهر ويقلوا انت عيوني ويللي بدك ياه بصير واجتمعوا ثلاث مرات وهوي يتمرد اكثر وصارت مطالبوا بها الله حتى يلبيها وبعد كل هالشي فركلوا اذنه شوي مشان يفهم.وان شاءالله بيفهم لان اذا مافهم بيفهم بعدين بال****

المرسل بلال (لم يتم التحقق) بتاريخ 21-05-2011 - 01:22

في عندي حكاية ... بس هي لازم تكون كتير سرية يعني لا تخبروا فيهاحدا السنة الجاية و بمناسبة ذكرى النكبة منلبس جنود (الجيش )لباس مدني و بيخبو سلاحن تحت تيابن و بيمشو بخط مستقيم للحدود مع العدو قرب مجدل شمس مشان يتفادوا (الالغام)و يومها قصدي بذكرى النكبة بتكون اسرائيل مو متوقعة يصير اي شي على حدودها معنا و هيك بيعبر جيشنا الى الجولان المحتل كما عبر الابطال قبل كم يوم و منعمل كمين و منحرر الجولان و ربي ييسر... القصة صحيح بسيطة لكنها ذكية و اكيد مو خاطرة على بال حدا يعني هي خطة... و توتة توتة خلصت الحتوتة يالله يا حبيباتي يا صغار خلصت حكاية اليوم و صار لازم تنامو مشان تصحو بعد خمسين سنة تانية على بكير

المرسل أبو سفيان (لم يتم التحقق) بتاريخ 19-05-2011 - 00:54

يوسفني مارئيت اليوم على التلفزيون الفرنسي والهولندي والالماني مناظر القتلى والجرحى وضرب عناصر الجيش ل اطفال بعمر عشر سنوات بالاحذية يبدو ان حملة خدام ضد بشار الاسد اخذه مفعولها تجاه الغرب ول اول مرة ثلاث محطات اوربية دفعة واحدة تعرض ما يحصل وتحمل النظام المسؤليةالكاملة حتى ان المزيع قال اذا كان هذا من فعل مخربين فان الدولة غير مؤهلة ل حماية الشعب وعلى الرئيس ان يستقيل وان كان هذا من فعل الدولة فيجب تقديم الحكومة مع الرئيس الى المحكمة الدولية وكان هناك صحفي من البيت الابيض يشارك الحديث مع المزيع في القناة الهولندية وقررو انه خلال اسابيع قادمة سوف يصدرو قرار بتدخل الناتو عسكريافي حال لم يتغير الوضع وهذا طبعا كلام لانه من الواضح انهم يريدو ان يتدخلو من زمان والان حانت الفرصة الان نرفع السوال الى السيد الرئيس ما الحل كيف يمكن ان ننقذ البلد عندما ياتي الناتو ويضرب فسيضرب الجيش والجيش هوا اخي واخوك وابي وابوك وهل سيضرب الجيش بالطبع لا سيضرب كل المنشات على اساس انها تابعة للحكومة والشعب طبعا هو الخاسر

المرسل وداعا للوطن اه… (لم يتم التحقق) بتاريخ 19-05-2011 - 01:49

كتير بتهمك هالمحطات !! الدنيا خربت بالسعودية و البحرين و اليمن و المغرب .... ليش ما شفناها لهالمحطات العظيمة تبعك ؟؟؟؟

المرسل أبو محمد اللبان ! (لم يتم التحقق) بتاريخ 19-05-2011 - 10:01

الله يرحم وقت كنت اجي يا استاذ نبيل اقرى شغبك بهدوء و بدون تعليقات , قول والله دخيل ربو هالزلمة شو رايق , و هيك أعطي ابتسامة خفيفة وكمل يومي , ولكنك للاسف و لا اعتب عليك فهذه هي الطبيعة البشرية قد دخلت بدوامة ال ( أريد أن اخذ مكاني في هذه المعمعة ) و رغم أنك تعتقد ( و أنا متأكد من هذا الشيء) انك حيادي ووسطي و ضد الجميع بالتساوي , فأنت حقيقة لست كذلك و لم تكن بعمرك كذلك , شغبك هو اللذي يقول لي ذلك و ليس لاني الدكتور النفسي ال (يا لطيف) , بشرفي انا بدي دكتور نفسي أصلاً!! ياما ينسى العظماء أعمالهم , فأرجو أن لا تنساها...... و لا تصدق أنه انا و أنت سنسقط نظام أو نأخذ بلدنا الحبيب الى حرب أهلية.....ليس أنا و أنت! تحيا سوريا العظيمة!

المرسل اللي ما الو علاقة (لم يتم التحقق) بتاريخ 19-05-2011 - 01:51

سأمشي معك بموضوع الرموز ببعض الأمثلة نعم الشعب السوري يعتبر يوسف العظمة وشكري بيك القوتلي وابراهيم هنانو والشيخ صالح العلي والسلطان رموز لاتمس لأنهم ضحوا بأنفسهم في سبيل شعبهم ووطنهم بالمقابل الشعب الليبي لا يعتبر قذاف الدم -42 سنة حكم-ولا الشعب المصري يعتبر مبارك-30 سنة حكم-ولا التونسي ولا اليمني يعتبرون هؤلاء رموز بتعرف ليش لأنهم ضحوا بشعوبهم في سبيل بقاء الرمز الرمز يفعل شيء لشعبه لا يفعل بشعبه

المرسل شاهين بتاريخ 19-05-2011 - 03:43

و من حقق الأمن الغذائي لسوريا لأول مرة في التاريخ يستحق أن يكون رمزا للوطن ..راجع التاريخ السوري منذ 300 عام و حتى اليوم و اقرأ عن المجاعات التي كانت تحدث هنا و هناك كل بضعة أعوام و استمرت حتى الستينات تقريبا .. و من جعل من سوريا دولة بلا ديون كما لم تفعل أي دولة في العالم .. يستحق أن يكون رمزا للوطن .. إقرأ عن سوريا الأربعينات و الخمسينات و الستينات و عن الخزينة الفارغة .. و من جعل للجيش السوري مكانة مرموقة جدا في المنطقة لأول مرة منذ 750 عام تقريبا يستحق أن يكون رمزا لسوريا .. و من أعطى لسوريا إستقرارا سياسيا ( و لو على حساب إستنشاق الهواء ) يستحق أن يكون رمزا للوطن و بإمتياز .. و من جعل من العلم متاحا لأقصى قرية في سوريا ببلاش .. يستحق أن يكون رمزا لسوريا .. و من أرسل الفقراء لا بل أفقر الفقراء ليدرسوا في أرقى جامعات العالم ببلاش يستحق أن يكون رمزا لسوريا .. و اسأل أهل حوران قبل غيرهم .. و هم من يطالب بالأوهام اليوم .. و من جعل الكهرباء في سوريا متوفرة للجميع و بربع القيمة يستحق أن يكزن رمزا للوطن .. لا داعي لمتاهات ( استنشاق الهواء ) أن تأخذنا بعيدا عن ما تحقق للسوريين بتكلفة بسيطة .. شكرا .

رب رمية من غير رام يا أبا جهل, أحييك من قلبي ياحامي حما الوطن صدقت بأول جملة استسقيتها من تاريخ أندلسنا الحافل (إبك كالنساء,على ملكٍ لم تصنه كالرجال) ...أما الباقي في مسألة الإمارات فهو مضحك وبعكس خلفيتك الثقافية الواسعة, أنت عم تقرا الواقع صح بس عند الحكي عم تخبص وتجلعص!! أنت مهم للوطن ونحنا بحاجتك لأنك مصدر توازن مهم ونوعي. أنت عم تفرطع الوطن من ورا جهازك وجملة الإمارات مابسمعها غير منك ومن حفنة موجهة لتأكد هالخرافة (ومن يتبع الخرافات يتعب) إذا كان في كم ألف إسلامجي ميبس راسو ليعمل دولة اسلامية على كيفو فنحنا كلنا رح نكون ضده واللي متل ماعم يقول البعض عن محبي أحضان اليهود فأحضاننا أدفأ. وشكراَ جزيلاً جداً وكثيراً...

المرسل أبو النار (لم يتم التحقق) بتاريخ 19-05-2011 - 08:51

والله من قلب مقهور الله يسلم تمك يا استاذ نبيل والله صدورنا رح تنفجر من كتر ما عم نشوف كذب ونفاق على فضائيات القصف الاعلامي المركز على سوريا واللي بيزيد من قهرنا اننا على الارض وعم نشوف كيف عم يتم هالتلفيق بس بيضل عزائنا انو الغالبية العظمى من شعبنا العظيم فهمت شو عم يصير والله يحمي هالبلد.

المرسل wael (لم يتم التحقق) بتاريخ 19-05-2011 - 09:42

هل ستنطبق مقولة من الحب ماقتل ...هل سيتم اغتيال الوطن على أيدي محبيه...ندور في فلك المؤمرات ونبحث عن الحلول وننسى الأسباب ...ماذا تريد الدول الغربية من سورية ولماذا اصبحت قلوبهم وفجأة رحيمة على الشعب السوري؟...ولماذا لاتتصدى الأصوات المعارضة للتدخل الأجنبي وبحزم إن كانت نواياها سليمة؟...إلى أين نسير ماذا ينتظرنا إذا لم نسرع في إيجاد الحلول قبل فوات الآوان وعلى من تقع مسؤولية إيجاد الحلول للخروج من الأزمة التي فرضت علينا؟

المرسل سارة (لم يتم التحقق) بتاريخ 19-05-2011 - 11:15

يا اخي للان في واحد مصدق انو تحرك سلمي للمطالبة بالحريات يبدو انها حرية ذبح الاخرين بدون محاسبة حرية ارسال مواطنين للمقبرة او اذا كانوا محظوظين على بيروت وانا سمعت الشعارات اللي صرخ فيها المتظاهر السلمي المسلح واللي بدي اعرفه ليش المعارضة السورية لصاحبتها حركة الاخوان المسلمين تتناغم بشكل كامل مع المد الأمريكي الاسرائيلي يعني كلما قررت امريكا ان تضرب بلد تتحرك التنظيمات الاسلاميةومنظمات حقوق الانسان الوهابي فقط لان الاخرين ليسو بشرا ولسه بيقلي بدو حرية يمكن حرية القتل والحرق وتقطيع البشر وسبي النساء وربي ييسر

المرسل علماني للابد (لم يتم التحقق) بتاريخ 19-05-2011 - 11:41

التدليس ليس مفيدا. لحتى نصدق اللي عم يحكي عن أسلحة، لازم يحاسب 15 رئيس جهاز أمني سمحوا بدخول الأسلحة. خلصنا بقى. ولازم يحاسب القطط السمان وأولهم هاد الولد ****

المرسل ghassan (لم يتم التحقق) بتاريخ 19-05-2011 - 12:01

لا للاستحمار!!

المرسل مواطن++ (لم يتم التحقق) بتاريخ 19-05-2011 - 17:53

أنو بما أنك معارض على طريقة دريد لحام . موممكن يطلعلها الثورة عندك اي كلمة منيحة ؟ ومالها الثورة أي نقطة مضيئة برأيك ؟ . يعني ممكن أفهم كيف فينا نعملك ثورة تعجبك ؟ . بتطلع مظاهرة . الأمن فيه ********** . منطلع منقول لكن كل واحد يتضبض ويرجع على بيتو . مابدنا ثورة فيها دم . بوكرة اذا مو الجيل الجاية يلي بعدو بيحس بالأصلاحات . ومن هون لوقتها منقرا شو بتعارض وبتكتب . سمايلي عم يغمز

المرسل مفلوج (لم يتم التحقق) بتاريخ 20-05-2011 - 00:46

أبو لهب كأنك مصدق انو في ثورة بسوريا؟ يا حبيب الروح شو عم بتسوي؟ فايق وتاركني عم شخر! كنت من زمان مع ثورات الشعوب مو من زمان كتير... يعني من شي يومين تلاتة!! بس هلق يا حبيب الروح عم العن الساعة اللي كنت فيها ثوري بتعرف ليش؟ لأنو الحرية ما بتنعطى للبغال والذئاب! الاول لازم تربطو لأنو اذا فلت رح يقدحك لبطة يجيبك بالربع الخالي والتاني اذا مو معك بارودة رح ياكلك وانت طيب وهوي عم يستمتع بجثتك وصرت مقتنع انو لازملنا ديكتاتور وطني وعلى هذه الفصائل والكائنات الحية ان تهرب او تعود الى حظيرتها. ومتل ما بتعرف انو مهاتير محمد ديكتاتور نقل ماليزيا من تصدير الموز الى تصدير التكنولوجيا وتصنيع العقول (قال عيروط قال..)

المرسل ابو ذر (لم يتم التحقق) بتاريخ 20-05-2011 - 04:39

هل سمعتم حكاية المنغولي والذّئب؟ كان ياما كان,من عشرة أيّام,منغولي في سوق الحميديّة(كل التجار هناك يعرفونه ويعرفون الحادثة)يعتاش على ما يقدّمونه له من الطعام. جاء رهطٌ من الثّوار بالمنغولي ليجعلوا منه بو عزيزي سوريا,وبعد أن سكبوا عليه البنزين,هرع تجّار الحميديّة وخلّصوه من بين أيديهم. حكاية سخيفة ولكنها حدثت,واللي مو مصدّق يروح يسأل أي تاجر في سوق الحميدية.

المرسل أبو جهل (لم يتم التحقق) بتاريخ 20-05-2011 - 11:14

والآكلات شحماً*فالهاجمات دحماً*فالداخلات وطناً*وبدأن به نطحاً*بأنياب وقرون. - وكأن أبا سفيان مغموم من الدخول الى الجولان,هل أنت نازح مستفيد,وتخاف العودة الى ارضك؟أو تريد ان يؤلّف قلبك من جديد بمئة ناقة وأربعمائة دينار؟ - يا آكل النار:لاأدفع اربعون ليرة للساعة في مقهى انترنت كي ارمي من غير هدف,مالك تتجافى جنوبك خوفاً وطمعاً,فساعة مدح وساعةًذمّ,وأنا يا مطلق النار من ورائك,لست بواسع الثقافة إنما(على عكسك)امتلك ذاكرة,واعرف تاريخي,وأرى حميراًوبهائم تقع في الحفرة للمرة العاشرة بعد الألف,فتاريخنا الإسلامي مليئ بحروب الحيوانات,من داحس والغبراء الى البسوس الى بقرة ابا زيد مروراً بالجمل وكلاب الحوأب....الخ حتى تصل الى العراق وايران والشيعة والسنة والأقباط والمسلمين و حروب اللبنانيين,أتريد أن تشعلها حرب حيوانات بالداخل,ليتغذى عليك حيوانات الخارج؟ - قوم عني لورّيك,تهديد من الخصم المغلوب,بانتظار الفرصة للفتك بالممسك بزمام الأمور,فهل من رجلٍ في العالم سيقوم عنكم, كي تقطعوا رأسه؟

المرسل أبو جهل (لم يتم التحقق) بتاريخ 20-05-2011 - 12:12

قرايبي أبو جهل و حق هبل اني بحبك رغم الخلاف لأنك أجرأ واحد من أعدائي و اللات و العزى انك زكي و عندك حس الفراسة يا قرايبي بالفعل انا نازح من ضيعتي و بالفعل انا مستفيد هون لانو تلات ارباع *************من النازحين من ضيعتي و تسعة و تسعين بالميه من ************كمان من ضيعتي و بالفعل انا خايف من العودة الى ارضي لحتى ما ارجع لورى البقر و مستعد دافع عن السلطة حتى اخر قطرة دم من ****** و انت يا جمل مو بدك الحقيقة؟؟؟ شيلك من كل العلاك و الحكي الفاضي هي هية الحقيقة و هادا هو جوهر الصراع انشرها اذا كنت حر وداعا

المرسل أبو سفيان (لم يتم التحقق) بتاريخ 20-05-2011 - 21:20

أحسنت فأنت الآن عند حسن ظني بك يا أبو الأربعين .. ولنزدهم أربع!! أمثالك تشيد التماثليل لأجلهم يا بطل الأبطال ياحامي الحما ويا خارق المدى. أحيك فأنت الآن تحاكي الله بكلامه وقلة هم من أمثالك من يملكون جرأة التحدي السماوي ياملهم الأحرار. ولاتحدثني عن ذاكرتك فأنت من وثق خطى آدم حتى عثر على حواء وأنت من كشف لغة الحوافر والخوار وأدب المواشي وكأنك فضائي الأصل؟؟ أراك تهجو تاريخ العرب والاسلام ياجار التبانة!! بالفعل, داحس والغبراء, جائت من عصر الجهل بأبنائه وآباءه حتى جاء الدين الذي أوقف المهازل وللأسف ولأن الجهل كالنسل الخصب لاينقطع فقد تجيش من جديد ثوار التاريخ الزائف والمظلم ليطمسوا بخرافاتهم كل حق وكلمة الحق, الفصل بيني وبينك هو الزمن مهما طال أو قصر. أحييك يا من أتيت من السيلتك ومن وراء جبال الألب يافارس النورماندي. والله معك حق تخيل واحد سويسري عم يقرأ متل هالتاريخ... أكيد أكيد بدو علاج نفسي بعد هاالمحنة!! أراك في جهنم!! سوا مهما طال المدا!!!

المرسل أبو النار (لم يتم التحقق) بتاريخ 20-05-2011 - 15:38

الأستاذ نبيل : بعد جمعة الأمس نتسائل نحن المواطنين العاديين هل من يوقف هذا الجنون. أين هم أقطاب المعارضة. لماذا هم ينتظرون ماتقدمه الحكومة ويرفضون . لماذا لايبادرون بإعلانهم قبول الحوار ولنا هذه النقاط لنتحاور عليها. هل لهم فعلا وجود في الشارع وهل إذا ما وجهوا نداء مثلا لوقف التظاهرات ستتوقف أم أن الحكومة ستجد نفسها أمام موقف شبيه بما يحدث الآن حيث يجتمع الرئيس بالوفود من المحافظات وووجهاء البلد ثم يخرجوا فلا يستمع إليهم أحد من مدنهم أو ممن هم وجهاء عليهم. المعارضة الوطنية الموجودة في الداخل مطالبة بموقف ضد التدخل أولا ثم قبول طرح برنامج للحوار مع الحكومة . أم أن المعارضة أيضا تنتظر سقوط النظام . النظام لن يسقط وسنبقى عشرة أعوام يخشى فيه أبنائنا الخروج يوم الجمعة ومن أكبر الخاسرين عندها المعارضة الوطنية. فهل توصل ذلك لأصدقائك منهم قبل أن يفوت الأوان. وشكرا

المرسل مواطن في الغربة (لم يتم التحقق) بتاريخ 21-05-2011 - 09:33

(من وضعك وانتشى*ما بين صفاق وحشى*ثم ترككم ومشى*وعنه تبحثون) رافقت سيدك سليمان,فلم يتبقّ عجماء من خلاّنك,الاّ وشرح لي ما قاله,سوى كلمة(azadi)التي كتبت على العلم السوري,فهلاّ شرحتها؟ وعن التوثيق,فقد غاب عنك اني وثقتُ اللحظة التي جبلتَ بها,مشكورٌ أنت على الأربعة,إسترجعها,لتمشي عليهاطريق ثورتك الطويل.

المرسل أبو جهل (لم يتم التحقق) بتاريخ 21-05-2011 - 17:26

ولك حاج بقى فزلكة يابغال ياحمير يعني وين الحرية حرق مقر الحزب وأحراق سيارات الشرطة والمخافر والأطفاء و قتل عل الهوية وسلمية سلمية (تحياتي لأبو جهل )

المرسل بانياسي (لم يتم التحقق) بتاريخ 21-05-2011 - 21:26

السلطة خجولة بفتح الحوار الوطني مع اني بجزم انو النوايا صادقة لسبب انو مصلحتها تصب في الحوار مع ناس مثقفين مرموقين وطنيين ومو مع رعاع الشارع جماعة التكسير والتخريب والطائفيةبس طيب وين اللجنة الوطنية تبع الحوار وليش التعتيم الاعلامي ازا في بوادر ...بس كمان المعارضة الوطنية ما طلعت بولا بيان بيندد باعمال العنف والتخريب من المتظاهرين ولسة بتحط الحق عالامن مشان يخلي العالم تتظاهر لانو القصة صارت شوربة ومافي شي اسمو امن الوطن او مخربين ضمن هالتظاهرات السلمية الراقية..صراحة الناس اللي ساكتين قرفو وشبعو قرف لانو هالوطن عم يضيع من بين ايدين...رجاء اخير للمثقفين وانت منن ونحنا منوثق فيك استاذ نبيل لازم المعارضين يحكو شي مفيد للاعلام يخلي العالم اللي برا تحس انو في تطور بالبلد وتحل عنا شوي يعني بلشنا نشك انو هالمعارضين وطنيين..

المرسل sara (لم يتم التحقق) بتاريخ 21-05-2011 - 21:38

استاذ نبيل من زمان ب قرا شغب و بحب كتير اللي بتكتبو ...بس قبل كم شهر ما كنت كتيير اهتم بقراية التعليقات اللي تحت النص او حتى انو اكتب شي ... هللأ صرت اقرا النص و التعليقات كلون و للحقيقة و بغض النظر عن الاحداث و مين غلط و مين صح بس ما فينا ننكر انو من اول هلاحداث و من خلال بس التعليقات اللي بتيجي ع فقرة شغب فينا نشوف انو صار في حرية بالتعبير .... كل واحد عم يحكي رأيو و بطريقة مختلفة عن اي حدا تاني ....صار في كذا لون للمولاة و للمعارضة ... بيجوز مافي شي بيجي بالهين ...و لانو مو متعودين ع الا ع اتجاه واحد و لمدة طويلة ....فعم يكون ما تقبل للاخر و نبرة حدة و تخوين و قساوة من الطرفين و كأنو كل واحد معو الحقيقة الكاملة ....و بتخيل انو فينا نقيس هالشي كمان ع حركة الشارع و ع هل الاساس فالشي اللي عم يصير متوقع نوعا ما .... بس النهاية هي المفتوحة ع كل الاحتمالات .... بس بتمنى انو تكون لخير هلبلد و اهلها من وين من كانو يكونو ...

المرسل قارئ (لم يتم التحقق) بتاريخ 21-05-2011 - 22:19

كلمة آزادي بحاجة لبالغين حتى يفهموها وناس بتفهم شو يعني وعي وحضارة وحرية وديمقراطية وعدل, أما أمثالك فهم يفهمون لغة النشوة بغض النظر عن نوع الجوف والسباب الفاحش الرديء والتاريخ الكاذب والهزيل. هنيئاً لك وثابر إلى الأمام أقولها لك حتى تنهي مرحلة بدء النضج يامراهق! وألف تحية لكل غيور على وطنه ...

المرسل أبو النار (لم يتم التحقق) بتاريخ 22-05-2011 - 08:26

يبدو انكن نسيتو الشخص الثالث الي هو اللبناني الي حش حالو متل خازوق شباط بهالاحداث واتى لكي يشارك بها وشو قل بدو يانقذ اخوانو السوريين ووصلت الوقاحة الى اعلان منطقة باب السباع بحمص امارة واغلاقها ورفع علم اسرائيل وعلم حزب التحرير اللبنلني عليها يا حيف هي هيي الحرية الي بدكن ياها

المرسل سوريا الاسد (لم يتم التحقق) بتاريخ 22-05-2011 - 11:30

تدعي أنك رافقت وشرحوا لك ووثقت فمن فضلك قل لي هل رافقت شخصا نزح من وطنه هربا من ........ المطر هل شرحوا لك معنى كلمة م؟؟؟ة جماعية في ......... وهل وثقت اللحظة التي ينزف فيها مصاب في مكان ما حتى الموت وهل رأيت رجلا لا يمشي على أربع ولا اثنتين بل يسحل على بطنه ليسحب أما في السبعين ملقاة في الشارع وبالنسبة لطول الطريق لن يكون أطول من صبر شعبنا

المرسل شاهين بتاريخ 22-05-2011 - 13:10

عزيزي شاهين ان ذكرك لهذه الامور لا يعني حدوثها فان كنت مدعوما بفيديوهات غير واضحة ومرجوجة فان الطرف الثاني ايضا لديه مثلها فلن يكفي ان اقول انا هل شرحو لك احساس طفلة تبكي اباها العسكري الذي قتلته العصابات المسلحة (لكي اكون على صواب ) وانا هنا لست بصدد مهاجمتك او الدفاع عن احد ولكن لاني اصبحت اقرأ كتابات لاشخاص ترمي تهم يمين ويسار وكانها حقائق دامغة ولا يجب التشكيك فيها ولن ادخل معك في تفنيد ما قلته مع سهولة تفنيده عزيزي ابو النار السؤال ليس معنى كلمة اذدي بل لماذا استخدمت (ويستر على حريماتك لا تقلي مشان تاكيد الاخوة العربية الكوردية) السؤال هو لماذا قناة الجزيرة تركت الدنيا ورح تعرض اليوم برنامج عن سلطان باشا الاطرش (لا تقلي قناة الجزيرة هلق حبت تعمل برنامج وثائقي ) وفي النهاية اختم بقول الشاعر أذا الشعب يوما اراد الخراب فلا بد ان تستجيب قطر وربي يسر

المرسل دايخ في زمن بايخ (لم يتم التحقق) بتاريخ 22-05-2011 - 15:27

مبارح التلفزيون السوري الله يحرسو و لفضح كذب المحطات المحرضة بث مقابلة مع احمد بياسه قال فيها:(انو هو عايش و حياتو طبيعية و ما حدا قرب عليه او اعتقله)و من دون ان يدري فقد فضح اعلامنا الذكي كذبه هو قبل كذب المحطات الاخرى فطالما كذب اعلامنا فيديو البيضة و ادعى بانه مصور في العراق و ان من يظهر فيه من المجرمين هم من البشمركةو ليس من الامن السوري او الشبيحة اذ كيف يكون احمد بياسه حرا طليقا و هو المواطن العربي السوري الذي نشر له مقطع فيديو يشرح فيه ان من قام بتعذيبه هو و ابناء قريته بهذه الطريقة البربرية هم من الامن السوري و ****************! ألا يستوجب ذلك اعتقاله ان لم يكن صادقا مئة بالمئة بتهمة نشر أخبار كاذبة أو (اضعاف الشعور القومي)؟؟؟ الان وبعد هذا الاعتراف بفيديو البيضة من حقنا ان نسأل عن مصير أبو هادي و علي عباس(الذي تفاخر به البعض على انه محرر بانياس)و بقية الافراد الذين هم بالمناسبة يأخذون رواتبهم من أموال الشعب لحمايته لا لتفعيسه ملاحظة الى نبيل صالح:لماذا تستخدم معي المقص الذي طالما اشتكيت انت منه؟

المرسل أبو سفيان (لم يتم التحقق) بتاريخ 22-05-2011 - 15:43

الاعلام السوري يكذب بلا شك وهو يفعل ذلك ضمن مساحة من الغباء والعبط الساذج وليس ككذب الاعلام الآخر الذي يكذب في مساحة من الاصرار على الإضرار لاشك بأن الشباب قد تم اعتقاله ولو كنت أنا مسؤولا واطلعت على الفيديو لاعتقلته فورا ولحققت معه على طريقة التحقيق مع الحمار الذي يريدونه غزالا وذلك لان الشاب الذي لا يقل غباء عن الاعلام السوري وفي الفيديو الذي يكشف فيه انه كان ضمن الشباب المعتقلين والممعوسين لم يدر أنه يكذب نفسه بنفسه إذ أنه لا يمكن ان يكون ضمنهم ثم يخرج في اليوم التالي واقفا على قدميه ومتابعا لنشاطاته كما لو انه يعيش في سويسرا لا في سورية ! كان فيديو سخيف وواضح التزييف عبر دمج صورتين احدها لشبان من العراق والاخرى لموقع من البيضا في بانياس ومع ذلك فقد استهلك من الطاقات النفسية الكثير وعجبي

أنا صبري راح ينفذ00 وبعدين مشكله0لذلك بدعي الطرفين يخلصونا بقى أحس ما ألعن الجهتين0000000000000000000

المرسل قارئ (لم يتم التحقق) بتاريخ 24-05-2011 - 18:50

إذا دُفعت للإختيار بين خسارتي لبعض أصدقائي وبين خسراني لوطني فسأتخلى عن وهم الصداقة من أجل حقيقة الوطن .صدقت أخي نبيل ... وضعت يدك على الجرح

المرسل قارئ (لم يتم التحقق) بتاريخ 24-06-2011 - 22:32

إضافة تعليق جديد

لا يسمح باستخدام الأحرف الانكليزية في اسم المستخدم. استخدم اسم مستخدم بالعربية

محتويات هذا الحقل سرية ولن تظهر للآخرين.
About text formats

نص عادي

  • لا يسمح بوسوم HTML.
  • تفصل السطور و الفقرات تلقائيا.
  • يتم تحويل عناوين الإنترنت إلى روابط تلقائيا

تخضع التعليقات لإشراف المحرر لحمايتنا وحمايتكم من خطر محاكم الجرائم الإلكترونية. المزيد...